إليا كسر في خاطرك شخص تغليه..

**صآآبونه فوشيهه** · 02-04-2012, 07:24 PM

هذا الخطا اللي ماتوقعت يخطيه ..
شف كيف كشّر طيب القلب نابه..

أثر الحسد لا عشعش بصدرراعيه..
يجعل من قلوب الحبايب ذيابه..

اللي تعلم من سكوتي تماديه ..
علمني استقبل "خطاه" برحابه..

والواجب انه لو جحد فزعتي فيه ..
مايجحد حقوق النسب والقرابه..

وانا اللي يوم ان المصايب تبكيه ..
كنت [ أقرب ] له بضيقته من ثيابه ..

اللي تعاف أوّله ينعاف تاليه ..
وأنا كفاصدري من الغيظ مابه..

من لا وقف لي وقفة رجال مابيه..
يغني عن حضور "المقفي" غيابه ..

من لا فزع بـ الكايده مع بني خيه ..
وقت الرخــامايحسب حساب لابه..

علمت غيري كيف لا صـد ماجيه ..
وأنا تعلمت الصبروالصلابه ..

لأن الشجاع ان مالقى من يواسيه..
أن مانشدته ماعلمتبمصابه..

مادام بعدي عن رفيقي بيرضيه ..
نذر(ن) عليّ إِني فلا اطــقبابه..

عيب التفت في جاه مخلوق وادعيه..
وللمبتلي ساعة دعاء مستجابه ..

الضعف ما طيقه ولا طيق طاريه ..
والدمع لا يرقى ولاينرقابه..

والحلم [ يغنيني ] عن الكبر والتيه..
والظلم محصيني كـآبهكــآبه ..

إن ماجمعت وجيه ما فرق وجيه..
ومن لا بنيته ماسعيت بـ / خرابه ..

وانا لو اني بـ التفت / بالتفت ليه ..؟
الرمح غــالي و"الفريسه" ذبابه ..

بدري علي احسب لها حساب واوجيه..
و بدري عليه يشيلني من حسابه ..

كـاني عتقته بعتقه رأفت(ن) فيه ..
إلا الطلابه ماخشيت الطلابه ..

مهب على شانه .. عشان المشاريه..
سامحت طيشه وابتليت بـعذابه..

إليا كسر في خاطرك شخص تغليه..
حتى المعاتب تستحي من عتابه ..

اللي سكن صدري من الغيض يكفيه..
ملّت تفاصيلي سكوت ورتابه ..

اللي بيدخل في مزاجي بسويه ..
وباخطب الفض الفليض بخطابه..

مثلالغلا اللي باخذه منه بعطيه ..
ويسمع جوابي مثل ماسمع جوابه..

داماحترامي للقرابه مجريه ..
يا شيخ ملعون امها من قرابه ..

لو كل شخصبيحتقر فيّ بـ اخاويه ..؟
ما كون حزت من المراجل مهابه..

يا "هيه" مثليمايقولون له هيه ..
مدري متى يتعلمون الذرابه ..

اللي معلمك الكتابه علىايديه ..
لمحة بصر ويبعثرك من كتابه ..

ومثلي لا من قلت لك قول بوفيه ..
والقرم لا من وكد العلم جابه..

سمّه تحدي سمّه اللي تسميه ..
بسالوكاد انه مهوب استجابه ..

اللي مهب قدّ المواجه يخليه ..
ومن لا قدرتتهيبه منك هابه..

الله يعزّ وجيه ويطمن وجيه ..
وحنا بشر لكن بشر وسطغابه..

ومن لا فزع بالكايده مع بني خيه..
وقت الرخا مايحسب حسابلابه..

المصدر: منتديات سما الزلفي zulfi

**نادر وجودي** · 02-04-2012, 08:27 PM

مادام بعدي عن رفيقي بيرضيه ..
نذر(ن) عليّ إِني فلا اطــق بابه..
^^
من ججد ..

تسلم هالآيآدي وآلله على هيكك طرح ..

دآإئمآإ مبدعه ب آنتقآئكك فديتكك ..

م ننحرم يً رب

**α7śαś кнαŁеđ** · 02-04-2012, 11:01 PM

بارك الله فيك اختي ماقصرتي

**صآآبونه فوشيهه** · 02-05-2012, 05:42 PM

اطواق ورد تعانق روحكم ع التواجد العطر
كل الوود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: إليا كسر في خاطرك شخص تغليه..
الموضوع	كاتب الموضوع	المنتدى	مشاركات	آخر مشاركة
خاطرك غالي وحبي لك جنون ~ ديكورات	وفاء القلب	قسم الديكور	3	03-20-2010 09:18 PM
خاطرك عنّدي ترى مو مثل غيرك ..	τнє●ємρєяσя	القسم العام	4	02-28-2009 06:56 AM

إليا كسر في خاطرك شخص تغليه..

إليا كسر في خاطرك شخص تغليه.. هذا الخطا اللي ما توقعت يخطيه .. شف كيف كشّر طيب القلب نابه ..