قصة خالد بعد الزواج" 11

**قلب الاسد** · 10-01-2011, 09:56 AM

كنا توقفنا في الجزء العاشر عند ...

وبعد ساعه اتصلت اريج على [عزيزي الزائر يتوجب عليك التسجيل لمشاهدة الرابط للتسجيل اضغط هنا] اللي كان مشغول مع مريض وقالت له :ابشرك زوجتك جابت ولد.
فرح خالد كثير بالخبر واتصل على اهله يعلمهم واتصل على ام بثينه وقالها.
وبعد العصر ولما بدت الزيارة جت ام خالد وام بثينه.
وكانت بثينه متعبه بعد الولده وناااااايمه.
دخلت ام خالد وسلمت على بثينه وصحتها من النوم وكانت تحمل شنطة فيها قهوة ودارسين وشاهي ..وغيره من المشروبات ..
قالت ام خالد: الحمدلله على السلامه.
بثينه بصوت متعب : الله يسلمك ياخاله.
ام خالد: وين وليدي بشوفه؟
بثينه : في الحضانه المستشفى مايطلعون بوقت الزيارة.
ام خالد : وراهم مايطلعونه يخلون اهله يشوفون.
بثينه : يخافون من احد يخطفهم.
ام خالد: بسم الله على وليدي الله يخرسه. اجل بقوم اشوفه لو من ورا القزازه.
واول ماقامت ام خالد الا وتدخل ام بثينه ويتقابلون عند باب الغرفة ويسلمون على بعض.وكانت ام بثينه ايضا تحمل معها شنطة فيها زي الي جابت ام خالد ويزيد قليلا .
قالت ام بثينه : اصبري يام خالد بروح اشوف الولد معك.
وقفت ام خالد وام بثينه خلف زجاج الحاضنه .
ام خالد: وين ولدنا من بين ذا البزران؟
ام بثينه: يمكن هذا .
ام خالد : لا لا يمكن هذا .. هذا يشبه خالد ولدي.
ام بثينه : لا بس هذا خشمه اكبر شوي.
جاء خالد وشاف امه وخالته وقافبن يتفرجون من ورا القزاز.
قال بعد ماسلم وحب راس امه وخالته : تبون احيب الولد لكم؟
قالت امه: ايه ياوليدي جبه نشوفه ونحبه .
دخل خالد الحاضنه وطلب من الممرضة تجيب الولد .
وجابته للغرفة وكان فيه هديل اخت خالد .
ام خالد : بسم الله عليه هذا يشبه ولدي خالد.
ام بثينه : لا بالله الا يشبه بنيتي .
يضحك الجميع وتقول هديل : اهم شي انه طيب وامه طيبه والشبه كل يوم راح يكون له شبه . انا لما ولدت كل يوم لودي شبه ولما كبر صار يشبهني ههههههه.
وبدا الزوار من صاحبات وصديقات بثينه بالتوافد. واول وحده كانت اريج وقدمت هدية لبثينه وهدية للمولود وانحرجة بثينها منها كثير
وقالت لها : الله يجزاك خير يااريج ويوفقك ان شاء الله والله ماني قادر اوفي لك معروفك ووقفتك معي وانا في الولده . والحين جايه وتقدمين لي الهدية اللي امفروض انا اقدم لك الهدية.
قالت اريج: انتي زي اختي واكثر يابثينه.
قالت بثينه : قولي ان شاء الله
اريج : ان شاء الله
قالت بثينه : ان شاء الله السنه الجايه اجي واقدم لك الهدية يوم ولدتك قولي امين
اريج : هههههههههه امييييييييييييييين

وفي يوم الغد كان موعد الخروج. وجاء بدر اخو بثينه ومعه بشاير اختها علشان تساعدها وتشيل الولد معها .وشال بدر معه الهداياء والورود الي كانت في غرفة بثينه . خرجت بثينه ومولدها من المستشفى وكانت ام بثينه قد اعدت غرفة خاصة لبثينه . وضعت فيها سرير الام وسرير المولود وجهزت كل شي . وفي المساء جاء ابو خالد ومعه اخوة خالد يشوفون الحفيده الجديد .
وقال ابو خالد : هاه ياخالد وش سميت الولد ؟
قال خالد : طال عمرك ودي اسميه عبدالعزيز على اسمك الله يحفظك .
قال ابو خالد : سمه الاسم الي يعجبك انت وامه وانا بعدين .
قال خالد : انا وامه اخترنا عبدالعزيز .
قال ابو خالد : اجل تمايم الولد علي
قال خالد : الله يطول بعمرك يايبه ماله داعي تكلف روحك .
قال ابو خالد : اها بس .. انا قلت مني يعني مني .. هذي ولد ولدي وحفيدي الاول .
قال خالد : جزاك الله خير

وفي الصباح حيث كان خالد في عمله في المستشفى .
اريج : على البركه ياخالد المولود .. وايش سميته؟
قال خالد : سميناه عبدالعزيز على اسم الوالد .
اريج : عزوز ههههههه ياحلو الاسم يا ابو عزوز
وجاء باقي زملاء خالد يباركون له ووعدهم خالد بوليمة بهذه المناسبة .

كانت بثينه ترضع ولدها الصغير.
قالت هديل : هاتي عزوز ارضعه انا واصير امه من الرضاعه.
قالت بثيته: لالا اول لازم اسال خالد .
وفي المساء جاء خالد لزيارة بثينه وابنه عزوز.
خالد: شلونك ياام عزوز.
بثينه: ام عزوز ؟؟ وش قالوا لك عجوز ههههههههه
خالد: ام عبدالعزيز ولا تزعلين
بثينه: تسلم ياابو عزوز ههههههه
خالد : شلون ولدنا عساه يرضع زين ؟ انا ابيك ترضعينه انتي بنفسك طبيعي وماابي صناعي .
قالت بثينه: ايش رايك اختي هديل تبي ترضع عبدالعزيز.
خالد: خليها ترضعه ويصير عنده اخو ههههههههه.

ودخلت ام بثينه ومعها القهوة.
ام بثينه: ولدك ماشاء الله عليه ماخلانا ننام البارح كله صياح.
بثينه: يمه.. كل البزران يصيحون.
ام بثينه : لا بس هذا صياحه غريب. لايكون ماصعينه وهم يولدونك. ترا ذا الممرضات ماعندهم ذمه.
خالد : لا ياخاله الممرضات الي في المستشفى وخصوصا الي ولدت بثينه من الممرضات الممتازات في المستشفى.
قالت ام بثينه: رح اكشف على الولد وشف.
قالت بثينه: رح تكفا ياخالد واكشف على ولدنا الله يستر لايكون فيه شي.
خالد: ان شاء الله مافيه الا العافية. وراح اوديه بكرة علشان ترتاحون .

وجاء خالد في الصباح واخذ خالته ام بثينه ومعها الولد الى المستشفى . واستبلتهم الممرضة اريج وددخلتهم على الدكتورة .
وبعد الكشف على الولد .
قالت الدكتورة: .....................

نكمل لكم القصة في الجزء القدم .. تابعونا وشاركونا..

المصدر: منتديات سما الزلفي zulfi

**Ļảмśt.7ήęęůĥ** · 10-01-2011, 11:37 AM

يسسلمؤ ع القصه

بنتظآر القآددم

**Ļảмśt.7ήęęůĥ** · 10-01-2011, 11:37 AM

يسسلمؤ ع القصه

بنتظآر القآددم

**miss:hajoor.7** · 10-01-2011, 07:31 PM

متابعيييييييييييييييييييييييييييييييييييين بقوه .................................

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: قصة خالد بعد الزواج" 11
الموضوع	كاتب الموضوع	المنتدى	مشاركات	آخر مشاركة
قصة خالد بعد الزواج" 10	قلب الاسد	قسم القصص	4	09-30-2011 02:07 PM
قصة خالد بعد الزواج" 8	قلب الاسد	قسم القصص	5	09-30-2011 01:54 PM
قصة خالد بعد الزواج" 7	قلب الاسد	قسم القصص	2	09-30-2011 01:50 PM
قصة خالد بعد الزواج" 6	قلب الاسد	قسم القصص	3	09-30-2011 01:44 PM
قصة خالد بعد الزواج" 4	قلب الاسد	قسم القصص	3	09-30-2011 01:35 PM

قصة خالد بعد الزواج" 11

قصة خالد بعد الزواج&quot; 11 كنا توقفنا في الجزء العاشر عند ... وبعد ساعه اتصلت اريج على [عزيزي الزائر يتوجب

قصة خالد بعد الزواج" 11 كنا توقفنا في الجزء العاشر عند ... وبعد ساعه اتصلت اريج على [عزيزي الزائر يتوجب