09-12-2011, 09:10 AM
|
#1 |
| |
مرحبا بكم جميعا .. كنا توقفنا في الجزء السابق عند ,,,,,,,
قالت : قضت روحي تعااال بسرعه .. والله خاااايفه
ويطمر خالد من عند الرجال ويركب سيارته ويجي مسرع وهو خايف على بثينه ...
ويركض مع الدرج كنه ملحوق ويفتح الباب على بثينه ويحصلها جالس في الغرفه وهي خائفه . واول ماشافته قامت وخمته وهي تبكي
وقالت : انا خائفه طلعني من البيت الحين ..
قال خالد : علميني وش بك ؟؟ وش اللي صار .؟؟
قالت : وانا قاعدة استشور شعري لمحت بالمرائه شي خطف وراي ومهيب مرة او مريتن اكثر من مرة ..
قال خالد : تعوذي من ابليس يمكن علشانك تعبانه اوشي .
قالت : مانييييييييييب تعبااااااااااااااانه والله لمحت شي يخطف قدامي
قال خالد : الحين قوه نروح العزيمه وبعدها يحلها حلال
قالت : لو رحت مانيب مستانسه وقلبي مشغول باللي شفت
قال خالد : قومي بس مشينا ..
وراحوا لم العزيمه ودخلت بثينه عند الحريم وبعد ماتعشوا الرجال راح خالد للبيت يبي يشوف وشو السالفه ...
واخيرا عرف خالد السبب وزهم على بثينه وقالها وماصدقت وقالت يمكن تبي تطمني علشان استانس الحين واذا جيت انهبل ..
قال خالد : لا يازوجتي العزيز .. كلامي صحيح اذا عدنا الى المنزل سوف اثبت لك صحة كلامي .
المهم يوم رجعوا للبيت الساعه يمكن 2 في الليل قال خالد لبثينه ايش اللي خطف واللي لازال يخطف على قولتها ..
والسبب هو انهم ساكنين في شقه بالدور الثاني ودريشة الشقه على شارع عام واذا مرت سيارة مولعه النور العالي يسطع في الدريشة وعلى جادر الغرفة من الداخل والسيارة لما تكون مسرعه النور يخطف على الجدار . بس اذا صارت الستارة مسكره مايطلع شي وهذا سر اللي يخطف عرفوه وارتااحت بثينه وقعدت تضحك على تصرفها
قال خالد وهو يضحك: واثرك خوافه يابثينه
قالت: لا يالشجاع ..( تطنز به . طبعا كله مزح )
قال خالد: اكيد شجاع وعنتر بعد هههههه
المهم اليوم الخميس وخالد يبدا دوامه في المستشفى يوم السبت تخلص اجازته وبثينه مقدمه على التدريس من يوم تخرجت من الجامعه وتنتظر التعيين ..
راح خالد قبل الظهر زي العادة لبيت امه وابوه وجلس معاهم وقاله ابوه : وش صار على سالفه رشيد ؟
قال خالد : والله نسيت يايبه بس ان شاء الله اليوم العصر اروح واسالك
قال ابوه : ايه ياولدي لاتنسى .. احرص الله يجزاك خير ..
وقالت امه : ياخالد ابيك تجيب بثينه اليوم . يبون يجون عندنا اليوم اهل خالك عبدالرحمن يتعشون عندنا .
قال خالد : ابشري يمه . بس بثينه قايله لي اليوم الصبح انها تبي تروح مع امها وخواتها يعشون بنت خالتها حصه اللي والده .
قالت الام : خلاص اجل بكيفكم خلها تروح مع اهلها .
قال خالد : من جد يمه اذا تبين اجيبها لك جبتها وتخلي اهلها بكيفهم
قالت الام : لا ياوليدي هذي زوجتك وتراها انسانه قبل كل شي ومايصلح تجبرها على شي ماتبيه وانت تقول انها مستاذنه منك واكيد مستعده للروحه مع اهلها .وهي شايفه اهل خالك عبدالرحمن البارح بالعزيمة خلها تروح والله يوفقكم ويسعدكم ياوليدي ..
قال خالد : الله يجزاك خير ويعظم اجرك يااحلى ام في الدنياء .. وقال وهو يضحك امي ربت بيتن امي مااحلها ... الى اخر النشيد
فقال له ابوه : شوي شوي على امك تراها تحسب نفسها الحين ام 17 سنه
قالت ام خالد : هو!! وانا وش بي بسم الله علي .. انا املح من ام 17 مدري 14 انا توي بشبابي .. انا تراي اصغر من اختك قماشة
قال ابو خالد : درينا انك اصغر من اختي قماشة .. بس اكبر من خواتي الباقيات كلهن .. وضحك الجميع
وهم قاعدين اذن الظهر.
قال خالد : تامر شي يايبه .. تامرين شي يايمه . انا بروح اصلي وبرجع للبيت
قالت الام : الله يحفظك ياوليدي .. ويوفقك ان شاء الله
قال الاب : ماابي الاسلامتك ياولدي بس لاتنسى تشوف سالفة رشيد وتعلمني .
قال خالد : ان شاء الله ياوالدي العزيز ..
وبعد صلاة الظهر اتصل خالد على بثينه يشوف كانها تبي شي يجيبه معه قبل لايجي البيت .
قالت بثينه : جب معك اغراض للحلى تبي تسويه تاخذه معها للعزيمه اليوم .. جب بسكوت شاي, حليب مركز , كيك يمامه, قشطه , دريم ويب , ,,
قال خالد: لحظة لحطة .. والله لو اني مسجل ماحفظت اللي قلتيه .. انتي اكتبيها برساله وارسليها . قالت خلاص
وشوي الا ويسمع نغمة الرساله ويفتحها ويحصلها رساله من زوجته بس مو طلبات رساله غرااام وحب .. وبعد شوي جت رساله الطلبات . يعني الرساله الاوله تخدير علشان ماينصدم من كثر الطلبات .. ماعلينا منهم الله يوفقهم نكمل قصتنا
راح خالد لسوق علشان يشتري الاغراض واول مادخل السوق اخذ عربية التسوق وفتح جواله علشان يقراء الرساله حقت الطلبات الا ويصدم واحد كان واقف قدامه بالعربيه
ويلتفت لمه الرجال ويقوله ماتشوف عما يعمي قلبك ..
قال خالد : اسف جدا ياعزيزي .. اسف وماانتبهت
قال الرجال : وشو اللي مانتبهت لو انك كاسر رجلي او يدي الحين بهالعربيه وش بينفعني
قال خالد : لا تخاف انا ماصدمتك بشيول او سيارة علشان تقول اكسر يدك او رجلك هذي عربة تسوق ماتضر
قال الرجال : وراه ماتضر .. من يقوله . قبل كم شهر فيه ولد من اقاربنا انكسرت يده والسبه هذي العربية
قال خالد : خلاص قلنا لك اسف وماصار الا خير
قال الرجال : ايه بس الواحد المفروض ينتبه مهوب يمشي كنه اعمى
قال خالد : خلاص ماابي عربيه ولا شي بطلع من السوق علشان ترتاح ... وطلع خالد وهي قااافله معه
وراح لسوق ثاني ودخل واشترى الاغراض ورجع الشقه . وقال لبثينه عن الرجال اللي قابله في السوق . قالت بثينه كثير كذا حتى فيه حريم تنشب بحلقك على اتفه سبب .
وبعد شوي
قالت بثينه لخالد: زوجي العزيز وبعد عمري خلودي اسمح لي ماامداني اسوي الغداء انشغلت بتجهيز الحلى وغسل المواعين والحوسه بعدها . ويابعدي ايش رايك اليوم تعزمني على الغداء من المطعم . تروح وتجيب لنا غدا نتغداء انا وانت .
قال خالد : بس؟ ماطلبتي شي .. ابشري من عيوني .. اهم شي ارتاحي .. ( طبعا هذا الكلام مايطلع الا في الاشهر الاولى من الزواج )
المهم ويروح خالد ويجيب الغداء ويتغدون وبعد العصر نام خالد شوي وبثينه قاعده تتجهز .
ولما خلصت بثينه قالت لخالد يوديها لبيت اهلها علشان يطلعون جميع من هناك لبيت خالتها حصه .
وراح خالد يوديها ويوم وقف عند الباب شاف خاله عبدالله ابو بثينه عند الباب ونزل يسلم عليه
قال له خاله : ادخل خلنا نتقهوا ونسولف شوي .
قال: خالد ابشر ياخال بس خلني البق السيارة واجيك . ودخل خالد وجلس مع خاله في الملحق وكان حاط التلفزيون على قناة دبي وكان فيه برنامج اليوله ..
قال ابو بثينه لخالد : تدري اني اول كنت اسوي زيهم بس الجين كبرت ومااعرف
قال خالد : ما شاء الله عليك ياخال تعرف اليوله
قال : اييه اذكر اول كنا نروح الامارات علشان نلعبها هناك
قال خالد : تروحون هناك علشان تلعبون ؟
قال : ايه وكنا نروح مجموعات نلعب .
قال خالد : والحين وراك ماتروح ( يدرج خاله بالحكي وهو يعرف انه يكذب )
قال : ههههههههه كبرنا وماتت حيولنا
قال خالد : الله يعطيك الصحه والعافيه ياخال .
ولما كمل خالد بيالته قام واستاذن من خاله علشان مشغول ويبي يروح يسال عن طريقة استقدام رشيد وزوجته ..
قال خاله : الله يوفقك ياخالد وترا مني عونه لرشيد وزوجته اذا جو يعتمرون .
راح خالد لمكتب استقدام وقالهم وعلموه وش المطلوب واتصل على ابوه وقاله عن امطلوب .
قال ابو خالد: خلاص ياخالد ابدا من اليوم جهز لجيبتهم......
نكمل لكم القصه في الجزء السادس .. تاااابعونا وشاااركونا بتعلقيكم وملاحظاتكم واي شي ..
|
|
|
| التوقيع | | 
| |
|
|   |
آخر 10 مشاركات
العرض العادي
