09-10-2011, 09:41 AM
|
#1 |
| |
اكتب لكم الجزء الرابع من القصة ... خالد بعد الزواج ,,
قال خالد : يصير خير ان شاء الله
قال رشيد :واخذ زوجي وعيالي معي ؟؟؟؟
قال خالد : وبعد زوجتك؟ اقول ردد ياليل مااطولك
قال رشيد :الى مته اردد ؟؟
قال خالد : لين تروح عمره الله ياخذ عمرك اذا حجة البقر على قرونها " انت وجهك وجه مسلم يالنصاب"
قال رشيد : استغفر الله ماهذا الكلام ؟؟
قال خالد : شف انت ووجهك على بالك تلعب علي انت الحين . انا عارف انك مو مسلم ونصراني الله ياخذ عمرك ..
قال رشيد : اخي ,, ارجو ان تسمعني ..
قاطعه خالد وقال: انا ماني اخوك .. انت نصرااني يعني دينك ماهو ديني ..
قال رشيد: والدمعه تخرج من عينه صدقني ياخالد ,, انا من اصول مسلمه بس جيت هنا ونسيت كل شي ونفسي ارجع الى اصولي واكون مسلم واعرف الدين الصحيح ,, انا فعلا مااصلي علشان مااعرف شلون ,,
قال خالد: طيب وزوجتك الصرانيه ؟
قال رشيد : زوجتي نصرانيه ولكن تحب الاسلام وتتمنا ان تسلم.
قال خالد : مافيه احد علمكم الاسلام ؟ ومافيه مكاتب تعليم الاسلام؟
قال رشيد : لا اعلم ان كان فيه او لا . بس انا ودي واحد مسلم سعودي زيك هو اللي يعلمني . انت ان شاء الله رجل صالح وحرمتك ماشاء الله عليها محتشمه وعندها علم تقدر انها تبين لزوجتي الدين الصحيح .
قال خالد : ابشر يااخي ,, ان شاء الله سوف ابذل جهدي ومااستطيع لكي اعلمك امور الدين .. وسوف تقوم زوجتي بتعليم زوجتك الدين الاسلامي ..
فرح رشيد : وقال لخالد الله يبيض وجهك ويدلك على الخير .
فقام خالد وطلب من رشيد ان يغتسل ويتطهر .. وبعدها نطق الشهادتين .. واخذ يعلمه بعض الامور المهمه في الدين من الصلاة والقران وبعض الاحاديث والدعاء .. وقام خالد بالدخول على احد المواقع الاسلاميه الخاصه بالدعوة وقام بنسخ بعض الاوراق الدعويه بلغة رشيد لكي يتمكن من قراءتها هو وحرمته . وكانت بثينه تقوم بدورها الدعوي مع زوجة رشيد والتي خافت من اهلها ان يسوون فيها شي بعد مايعرفون انها اسلمت . بس قالت زوجة رشيد : الله يعلم اني احب الاسلام ويسعدني اني اكون مسلمه ,, انا كنت في ظلال والحين في نور ..
وراحت نص الرحله كلها على تدريس رشيد وحرمته الدين الاسلامي . وماطلع منهم خالد وبثينه الا وهم يعرفون كل شي من طهارة وصلاة وصيام وحفظ بعض سور القران الكريم ..
قالهم خالد: الحين تمام عرفتوا تقريبا كل شي مهم في الاسلام وان شاء الله بحاول اجيبكم عمره في اقرب وقت .
وبعد اسبوعين رجع خالد وبثينه الى السعودية . ووصلا الى شقتهما في الساعه الواحده صباحا وعندما دخلا احسا بحصول شي غريب في المنزل بعد سفرهما ..
قام خالد بسرعه بفتح غرف الشقه والبحث عن شي فلم يجد . وفتح الادراج وكان كلشي في مكانه .
فقالت بثينه لخالد : خلنا ننام الحين والصباح رباح ..
قال خالد: شورك وهداية الله .. وناموا
وفي الصباح قام خالد واحضر الافطار من المطعم وافطروا وطلعوا يسلمون على اهلهم . وراحت بثينه الى امها وسلمت عليها ولقت عندها خالتها حصه وعلمتها ان بنتها هديل ولدت وجابت ولد وان اخته اللي اكبر منه محسره فيه وماتحبه .
قالت بثينه : ايه هذولا هم البزران يغارون من بعض
قالت امها : والله اني اذكرك يومك صغيرة .. كنتي ماشاء الله عليك تخافين على اخوك الصغير وماتبين احد يجيه .
ضحكت بثينه وقالت : بلاك والله ماتدرين وش اسوي فيه
قالت الام : وش تسوين ؟؟؟
قالت بثينه : وهي تضحك كنت اقبصه وانت ماتنتبهين واذا صاح عطيته المصاصه .
قالت الام : عساه يسوونبك بزرانك
قالت بثينه : لا عاد يمه لاتدعين علي هماك قبل شوي تمدحيني
قالت خالتها حصه : لا بسم الله عليها بثينه هذي مثل بنتي لا تخافين امك تدعي عليك وانا اسنغفر ..
وهم يسولفون اتصل خالد على بثينه
وقال لها : بسرعه اقضي نبي نروح لمي توها تسالني عنك .
قالت بثينه : ابشر بس شوي اغسل المواعين مع اختي وابطلع .
قالت بشاير اخت بثينه : لا بالله ياخيتي روحي وخلي المواعين انا اغسلها .. اهم شي ام زوجك ..
قالت بثينه : الله يوفقك ياخيتي وان شاء الله تكون ام زوجك مثل ام خالد ..
قالت الخاله : قومي روحي لرجلك لا تبطين عليه تراه بالسيارة
قالت بثينه : سمي سمي هذاي قمت .. وقامت بثينه وحبت راس امها وخالتها حصه وطلعت .
ويوم ركبت السيارة قال لها خالد : اليوم معزومين عند خالي فهد على العشاء
قالت بثينه : وش المناسبه ؟
قال خالد : خالي عبدالرحمن جاي اليوم من الديره وعازمه خالي فهد
قالت بثينه : زين والله اروح بعد علشان احصلهم جميع واسلم عليهم
قال خالد : ربي يخليك لي
قالت بثينه : وانت بعد .
وصلوا لبيت ام خالد وكان الوقت بعد العصر . ودخلوا وسلموا وجلسوا يسولفون ودخل ابوخالد وجلس معاهم وعلم خالد ابوه عن رشيد وانه وده ياخذ عمره .
قال ابوخالد : انا مستعد باللي تشوفه ياخالد . هذا شي طيب وفيه خير
قال خالد : انا بشوف ايش المطلوب من الاوراق وكم المصاريف اللي تكفي علشان يجي هو وزوجته الى مكه .
قال ابوخالد : شف وعلمني وان شاء الله يسهلها ربك ..
قال خالد : الله يجزاك خير يايبه .
وبعد المغرب اخذ خالد بثينه علشان يروحون لشقتهم ويستعدون للعزيمه حقت خاله فهد .
وبعد صلاة العشاء قالت بثينه لخالد : انت رح الحين لم الرجال وسلم عليهم وتقهو وانا اذا قضيت اتصل فيك . ماودي اقطعك
قال خالد : خلاص انا بروح الحين .. وانتظر اتصالك
راح خالد للعزيمه وجلست بثينه في الشقه لحالها . ولما كانت بثينه تلبس حست بشي كنه خطف من وراها .. سمت بالله وقالت يمكن تخيلها شي .. وبعد شوي لاحظت شي خطف من قدامها .. توحشت وقعدت تقراء على نفسها المعوذات وتلقط الجوال وتدق على خالد وتقوله تعاال الحين .
قال خالد : قضيتي ؟
قالت : قضت روحي تعااال بسرعه .. والله خاااايفه
ويطمر خالد من عند الرجال ويركب سيارته ويجي مسرع وهو خايف على بثينه ...
ويركض مع الدرج كنه ملحوق ويفتخ الباب على بثينه ويحصلها..........
___
في الجزء الخامس نعرف وشو اللي خطف قدام بثينه وايش قالت لخالد "
واحداث جديدة .. تابعونا وشاركونا بتعليقاتكم "
|
|
|
التعديل الأخير تم بواسطة قلب الاسد ; 09-10-2011 الساعة 01:30 PM
| التوقيع | | 
| |
|
|   |
آخر 10 مشاركات
العرض العادي
